Hvernig finn ég hvaða spjaldtölvu ég er með
Það er mikilvægt fyrir þig að vita nákvæmlega hvaða spjaldtölvu þú ert með áður en þú kaupir hulstur eða skjávörn. Margar gerðir líta svipað út, en lítill munur á stærð, myndavél, tengjum og tökkum ráða því hvort hulstrið passi rétt eða ekki.
Auðveldasta leiðin er oft að skoða stillingar í tækinu. Í mörgum spjaldtölvum er hægt að fara í stillingar og finna upplýsingar um spjaldtölvuna. Þar sérðu oft hvaða týpa spjaldtölvan þín er og getur borið það saman við vörulýsingar.
Eftirfarandi aðferð virkar oft vel:
(iPhone símar og iPad spjaldtölvur)
Þú velur settings síðan general og loks about. Þá sérðu hvaða týpu þú átt.
(Samsung og android farsímar og spjaldtölvur)
Þú ferð í Settings (stillingar) og síðan í about phone (um símann – um tölvuna). Þá sérðu hvaða týpu þú átt.
Ef það virkar ekki er næstbest að skoða bakhlið tækisins. Þar er oftast hægt að finna módelnúmer eða heiti sem segir til um hvaða týpa spjaldtölvan þín er.
Fyrir iPad er sérstaklega gott að skoða módelnúmerið í stillingum eða á bakhliðinni, því iPad Air, iPad Pro og iPad Mini geta verið mjög líkir í útliti. Fyrir Galaxy TAB og aðrar Android spjaldtölvur er líka mikilvægt að skoða bæði stærð og nákvæmt módelheiti.
Ef þú ert enn í vafa er gott að bera saman stærð skjás, lögun myndavélar og staðsetningu tengja við myndir eða vörulýsingar. Rétt týpa skiptir mestu máli þegar velja á hulstur eða skjávörn.